AQSh senatorlary B.Obamadan Reseı bankterine qarsy sanktsııa engizýdi talap etip otyr
ASTANA. 18 qyrkúıek. QazAqparat - Konnektıkýt shtatynyń senatory Rıchard Blýmental Barak Obamadan reseı iri bankterine qarsy sanktsııalar engizýdi talap etti, dep habarlady RBK.
Amerıkalyq sheneýniktiń pikirinshe, bul shara Sırııadaǵy Bashar Asad rejıminiń qarjylandyrylýyn toqtatýǵa kómektesedi.
Atalǵan hatqa R.Blýmentalmen birge taǵy úsh senator - Kellı Aıott, Djon Kornın men Djın Shaın qol qoıdy. «Biz Reseı bankterine AQSh-taǵy shottaryn ýaqytsha jabý arqyly jáne AQSh-qa RF-dan kelgen bank qyzmetkerlerine embargo engizý arqyly yqpal ete alamyz. Orystar úshin bul aýyr soqqy bolady», - dep jazylǵan hatta.
AQSh-tyń Qarjy mınıstrliginde senatorlardyń bul bastamasyna qatysty eshqandaı túsinikteme bergen joq, degenmen únsiz de qalǵan joq, B.Asadtyń rejimine ekonomıkalyq qysym kórsetý kerek ekenin atap ótti.
«Alda áli talaı jumys bar. Ákimshilik túrli el kompanııalaryna Sırııa rejimimen yntymaqtastyqty toqtatýǵa májbúrlep otyr jáne olar bul saıasatty áli de jalǵastyra tusedi», - dep habarlady Qarjy mınıstrliginiń sheneýnigi.
