AQSh senatory Lındsı Grem 71 jasynda qaıtys boldy
ASTANA.KAZINFORM - AQSh prezıdenti Donald Tramp qorǵanys jáne syrtqy saıasat salasyndaǵy jetekshi respýblıkashyl amerıkalyq saıasatker Lındsı Gremge qurmet kórsetip, ony «shynaıy amerıkalyq patrıot» dep atady, dep habarlaıdy Kazinform agenttiginiń Vashıngtondaǵy tilshisi NBC News-ke silteme jasap.
Ońtústik Karolınadan shyqqan, 2002 jyly Senatqa saılanǵan jáne prezıdent Tramptyń jaqyn saıası odaqtasy, AQSh senatory Lındsı Grem senbi kúni keshke 71 jasynda qaıtys boldy, dep habarlady onyń keńsesi.
- Meniń qymbatty dosym ári elimiz ben óziniń súıikti týǵan shtaty Ońtústik Karolına úshin kóp nárse jasaǵan uly senator Lındsı Gremniń erekshe ómiri men jetistigine degen qurmetpen men AQSh-taǵy barlyq týlardy senbi kúngi keshki 18:00-ge deıin jartylaı túsirýdi buıyramyn. Qudaı aldyńnan jarylqasyn, Lındsı, - dep jazdy Donald Tramp Truth Social saıtynda.
Grem Senattyń Bıýdjet komıtetiniń tóraǵasy qyzmetin atqardy jáne qarasha aıynda Ońtústik Karolınadan Senatta besinshi alty jyldyq merzimge saılaýǵa tústi. Ol eń kórnekti saıasatkerlerdiń biri jáne Respýblıkalyq partııada qorǵanys jáne syrtqy saıasat máseleleri boıynsha mańyzdy ról atqardy.
Senbi kúni keshke Gremniń Kapıtolııdegi úıinen jedel járdemge qońyraý shalynǵan.
Jeksenbi kúni Gremniń keńsesi saıasatkerdiń «aterosklerotıkalyq júrek-qan tamyrlary aýrýynan» qaıtys bolǵanyn jarııalady.
Buǵan deıin Qatarda burynǵy ámirdiń qazasyna baılanysty tórt kúndik aza tutý jarııalandy.
