AQSh senatory HAMAS pen Hezbollanyń qaıta qarýlanyp jatqanyn málimdedi
ASTANA. KAZINFORM — Saıasatkerdiń málimdemesi Taıaý Shyǵystaǵy atysty toqtatý týraly kelisimderdiń ekinshi kezeńine kóshýge deldaldardyń kúsh-jigeri fonynda aıtyldy, dep habarlaıdy Kazinform menshikti tilshisi.
Jeksenbi kúni Izraılge sapar shekken AQSh senatory Lındsı Grem Palestına qozǵalysy HAMAS pen Lıvan Hezbollasy Gaza sektorynda jáne Lıvanmen shekarada atysty toqtatý týraly kelisimderge qaramastan, qarýlanýdy qaıta jalǵastyryp jatqanyn málimdedi.
Senatordyń aıtýynsha, HAMAS qarýlanyp qana qoımaı, Gaza sektoryn baqylaýdy kúsheıte otyryp, áskerı áleýetin qalpyna keltirip jatyr.
— Meniń oıymsha, HAMAS qarýsyzdanbaıdy, olar kerisinshe qaıta qarýlanyp jatyr. Sonymen qatar, olar bılikti nyǵaıtýǵa tyrysyp jáne Gazada odan bas tartý nıeti joq, — dedi Grem Izraıl premer-mınıstriniń keńsesi jarııalaǵan vıdeotúsiniktemede.
Ol sondaı-aq Lıvannyń Hezbollasy da osyndaı baǵytty ustanyp jatyr degen pikir bildirdi.
— Meniń oıymsha, Hezbolla da qarýlanýdy arttyrýǵa tyrysyp jatyr. Mundaı nátıjege jol berilmeıdi, — dep atap ótti AQSh senatory.
Izraıl premer-mınıstri Bınıamın Netanıahý AQSh senatorynyń pikirimen kelisip, ony «Izraıldiń úlken dosy» dep atady.
Senator @LindseyGrahamSC:
— Prime Minister of Israel (@IsraeliPM) December 21, 2025
"You look great, Bibi. Happy Hanukkah to everybody. I come here for a purpose. We've had a lot of success in 2025. I want to make sure 2026 is the year of peace and knocking out the bad guy. pic.twitter.com/KAz0ITs1jV
Grem HAMAS qarýly kúshterin saqtap qalsa, Gazadaǵy atysty toqtatý týraly kelisimniń ekinshi kezeńin júzege asyrýǵa qaýip tónetinin atap ótti. Ol qozǵalysqa qarýsyzdaný talaptaryn oryndaý úshin naqty merzim berilýi kerek dedi.
Sen. Graham: "My impression is that Hamas is not disarming; they're rearming. It's my impression that they're trying to consolidate power, not give it up, in Gaza. It's also my impression that Hezbollah is trying to make more weapons. That's unacceptable outcome". pic.twitter.com/GR6aKuORs9
— Prime Minister of Israel (@IsraeliPM) December 21, 2025
— Eger bul oryndalmasa, men prezıdent Donald Trampqa Izraılge HAMAS-qa qarsy operatsııany aıaqtaýǵa ruqsat berýdi usynamyn, — dedi amerıkalyq kongressmen.
Onyń sózinshe,qozǵalysty qarýdan aıyrmaıynsha, aımaqta turaqty beıbitshilikti qamtamasyz etý múmkin emes.
Ol sondaı-aq Lıvan qozǵalysy aýyr qarýyn tastaýdan bas tartqan jaǵdaıda «Hezbollaǵa» qarsy áskerı áreketterdi qaıta bastaý múmkindigin qarastyryp, AQSh, Izraıl jáne Lıvannyń úılestirilgen áreketterine ruqsat etilgenin málimdedi.
Jospar boıynsha Izraıl áskerlerin shyǵarý, HAMAS-tyń ornyna ýaqytsha ákimshilik qurý, halyqaralyq turaqtandyrý kúshterin ornalastyrý jáne aýmaqty demılıtarızatsııalaý kózdelgen.
Senator Grem sonymen qatar Túrkııanyń turaqtandyrý mıssııasyna qatysýyna qarsy Izraıldiń ustanymyn qoldap, mundaı sheshimniń el ishinde saıası qoldaý tappaıtynyn málimdedi.
HAMAS óz kezeginde Izraıldi taǵy da atysty toqtatýdy buzdy dep aıyptap, deldaldardy jáne Vashıngtondy olardy toqtatý úshin aralasýǵa shaqyrdy.
Birneshe kún buryn Izraıl Lıvan aýmaǵyndaǵy «Hezbolla» nysandaryna soqqy jasady.
Buǵan deıin habarlanǵandaı, Gazanyń ońtústiginde HAMAS-qa qarsy kúshterdiń kóshbasshysy ıAsır Abý Shabab qaza boldy.