AQSh Senaty Krıs Raıtty AQSh-tyń energetıka mınıstri retinde maquldady
ASTANA. KAZINFORM – Senat Donald Tramptyń álemdik naryqta AQSh-tyń «energetıkalyq ústemdigine» qol jetkizý saıasatyn júzege asyratyn Energetıka mınıstri Krıs Raıt kandıdatýrasyn maquldady, dep habarlaıdy CBS News.
60 jastaǵy Raıt 2011 jyldan beri Denverde ornalasqan «Liberty Energy» kompanııasynyń bas dırektory qyzmetin atqaryp otyr jáne onyń úkimette tájirıbesi bar.
Ol Koloradoda ósti, Massachýsets tehnologııalyq ınstıtýtynda bakalavr dárejesin aldy jáne Berklıdegi Kalıfornııa ýnıversıtetinde elektrotehnıka boıynsha dıplomdyq jumysyn júrgizdi.
1992 jyly ol qabatty gıdravlıkalyq jarý arqyly taqtatasty gazyn kommertsııalyq óndirýdi bastaýǵa kómektesken «Pinnacle Technologies» kompanııasyn qurdy. Ol keıinirek taqtatasty gaz óndirýshi «Stroud Energy» kompanııasynyń tóraǵasy qyzmetin atqardy.
Ol klımattyń ózgerýimen kúresýge baǵyttalǵan kúsh-jigerge qarsy shyǵyp, qazba otyn óndirisiniń ulǵaıýy búkil álemdegi adamdardy kedeılikten qutqara alatynyna sendirdi jáne Trampqa qazba otyndary – munaı, tabıǵı gaz jáne kómir óndirisin ulǵaıtý arqyly demokrattardyń «jańa jasyl alaıaqtyǵyn» joıýǵa ýáde berdi.
Buǵan deıin AQSh Senaty Dag Bergamdy ishki ister mınıstri etip bekitkenin jazǵan bolatynbyz.