AQSh Senaty krıptovalıýtalardy retteý týraly zań jobasyn qabyldady

ASTANA. KAZINFORM — AQSh Senaty ekipartııalyq daýys berý nátıjesinde krıptovalıýtalardy retteýge baǵyttalǵan GENIUS zań jobasyn qabyldap, ony Ókilder palatasyna joldady, dep habarlaıdy NBC News.

Zań jobasyn 68 senator qoldap, 30-y qarsy daýys berdi. 18 demokrat Respýblıkalyq partııa ókilderiniń kópshiligine qosyldy. Tek eki ǵana respýblıkashyl qarsy shyqty.

Bul daýys berý — Senattyń tsıfrlyq aktıvterdi retteıtin mańyzdy zańdy alǵash ret qabyldaýy.

— Bul zań jobasy arqyly Amerıka Qurama Shtattary krıptovalıýta salasynda álemdik kóshbasshy bolýǵa bir qadam jaqyndaı tústi. Zań jobasy AQSh dollaryn nyǵaıtyp, tutynýshylardy qorǵaıdy jáne AQSh-tyń qazynalyq oblıgatsııalaryna degen suranysty arttyrady, — dedi GENIUS Act zań jobasynyń avtory, Tennessı shtatynyń respýblıkashyl senatory Bıll Hagertı.

GENIUS zańy endi respýblıkashyldar basqaratyn Ókilder palatasyna joldandy.

Budan buryn AQSh-ta bıtkoınderdiń strategııalyq rezervi qurylǵany habarlandy.