AQSh Senaty FQJ basshysy laýazymyna Tramp usynǵan Kevın Ýorshty bekitti
ASTANA. KAZINFORM – AQSh prezıdenti Federaldyq qor júıesiniń basshysy laýazymyna usynǵan Kevın Ýorsh sársenbi kúni Senattyń maquldaýyna ıe boldy. Bul oǵan osy aptada ortalyq bank basshysy laýazymyn resmı túrde atqarýǵa múmkindik berdi, dep habarlaıdy NPR.
Ýorsh kandıdatýrasy 54-ke qarsy 45 daýyspen bekitildi. Ol paıyzdyq mólsherlemelerdi tómendetýge múmkindik bar ekenin málimdedi. Biraq sonymen birge Aq úıdiń buıryqtaryn oryndaýdyń ornyna aqsha-nesıe saıasatyn belgileýde óz pikirin qoldanýǵa ýáde berdi. Ýorsh Massachýsets shtatyndaǵy demokrat senator Elızabet Ýorrenniń Donald Tramptyń «qýyrshaǵy» bolady degen aıyptaýyn joqqa shyǵardy.
Buryn Djerom Paýeldiń ókilettigi 15 mamyrda aıaqtalatyny habarlanǵan bolatyn. Ol FQJ-ny 2018 jyldan beri basqaryp keldi. Bul rette Paýell FQJ Basqarýshylar keńesinde qalady jáne paıyzdyq mólsherlemelerdi belgileıtin 12 músheden turatyn komıtet boıynsha daýys beredi.
Osyǵan deıin AQSh Federaldyq qor júıesi paıyzdyq mólsherlemelerdi ózgerissiz qaldyrǵany habarlandy.
