AQSh saıasatkeri Krıstofer Landaý: Qazaqstanda ózimdi úıdegideı sezine bastadym

ASTANA. KAZINFORM – AQSh Memlekettik hatshysynyń orynbasary Krıstofer Landaý Qazaqstanǵa kelip, Almaty saparynan alǵan áserin áleýmettik jelidegi paraqshasynda bólisti.

«Almaty — Qazaqstannyń eń iri qalasy ári qarjy astanasy. Qala Zaısan Alataýynyń baýraıynda ornalasqan. Munda áıgili „Shymbulaq“ taý-shańǵy kýrorty bar, qala ortalyǵynan bar bolǵany jarty saǵattyq jol. Biz jyly da qazaqy qonaqjaılylyqty sezindik. Ózimdi búrkitpen jáne jańa qazaq dostarymmen birge úıdegideı sezine bastadym!» — dep jazdy Krıstofer Landaý óziniń H áleýmettik jelisindegi paraqshasynda.

Buǵan deıin AQSh Prezıdentiniń Ońtústik jáne Ortalyq Azııa boıynsha arnaıy ókili Serdjıo Gor men Memlekettik hatshy orynbasary Krıstofer Landaýdyń Qazaqstanǵa sapary bastalǵany habarlanǵan bolatyn.

Delegatsııa Almatyda birqatar kezdesýler ótkizedi. Onda qazaqstan-amerıkalyq qatynastardyń damý perspektıvalary, sondaı-aq halyqaralyq jáne óńirlik kún tártibindegi ózekti máseleler talqylanady.