AQSh Saýd Arabııasyndaǵy qyzmetkerlerin áketedi
ASTANA. KAZINFORM — AQSh Memlekettik departamenti hýsıtterdiń shabýylyna baılanysty AQSh-tyń shtattan tys memlekettik qyzmetshileri men olardyń otbasylaryna Saýd Arabııasynan ketýge buıryq berdi, dep habarlaıdy Kazinform agenttiginiń Vashıngtondaǵy menshikti tilshisi The Hill basylymyna silteme jasap.
Jańa nusqaý hýsıtterdiń Saýd Arabııasy qoldaıtyn Iemen úkimetine qarsy soǵysy kezinde qabyldandy. Hýsıtter Saýd Arabııasynyń azamattyq áýejaılary men strategııalyq mańyzy bar ınfraqurylym nysandaryna shabýyl jasap, beıbit turǵyndardyń ómirine qaýip tóndirip otyr.
Sársenbide AQSh-tyń Saýd Arabııasyndaǵy elshiligi hýsıtter tarapynan jańa shabýyldar jasalýy múmkin ekenin eskertip, qaýipsizdik sharalaryn kúsheıtýge shaqyrdy.
Buǵan deıin Saýd Arabııasy men hýsıtter Irannyń bitimge kelý jónindegi úndeýine jaýap bermegenin habarlaǵan edik.
