AQSh sarapshysy: Astana protsesi - bul jańa biregeı format
«Men Qazaqstandy mundaı kelissózder júrgizý úshin biregeı el dep sanaımyn. Óıtkeni, ústel basynda bas qosatyn barlyq iri halyqaralyq derjavalarmen jaqsy qarym-qatynasqa ıe. Qazaqstan Qurama Shtattarmen myǵym qarym-qatynasqa jáne senimine ıe. Qazaqstan Reseıdi tildik, tarıhı jáne dıplomatııalyq qarym-qatynasta da túsinedi. Qazaqstan Iranmen de jaqsy qarym-qatynasta. Iranmen arada eshqandaı problemasy joq. Tipti, sońǵy 3 jyl boıy Irannyń ıadrolyq baǵdarlamasyna qatysty kelissózder ótkizý alańy da boldy. Qazaqstan men Túrkııa arasynda óte jaqsy tarıhı jáne mádenı ózara túsinistik bar jáne elder jaqsy qarym-qatynasta.
Munan bólek, kóterilisshiler fraktsııasynyń birde-biriniń Qazaqstanǵa narazylyǵy joq. Qazaqstan Sırııa soǵysy barysyna aralasqan emes. Bul turǵyda Qazaqstan beıtarap memleket sanalady. Sondyqtan qandaı da bir el kelissózderdi ózinde ótkizýi úshin qaýipsiz ári beıtarap bolýy qajet. Al Qazaqstan bul talaptardyń bárine saı keledi.
Demek, Astana protsesi - bul jańa biregeı format. Buǵan qosa, Qazaqstan kóptegen mańyzdy, ásirese, óte sezimtal ıadrolyq problemalarmen baılanysty kelissózderge tartylǵan. Sondyqtan da eldiń mundaı kelissózder ótkizýge tájirıbesi jetkilikti dep sanaımyn», - dedi Djeıkob Zenn.
