AQSh: San-Dıegoda avtomobıl kóshedegi adamdardy taptap ótti
NUR-SULTAN. QazAqparat – AQSh-tyń Kalıfornııa shtatyndaǵy San-Dıego qalasynda kóliktiń jaıaý júrginshilerdi qaǵyp ketýi saldarynan kem degende úsh adam qaza tapty. Bul týraly QazAqparat Associated Press aqparat agenttigine silteme jasap habarlaıdy.
Jalpy alǵanda, agenttiktiń atap ótýinshe, kem degende toǵyz adam zardap shekken. Olardyń ekeýi aýyr halde aýrýhanaǵa jatqyzyldy. Buǵan deıin NBC telekompanııasy zardap shekken segiz adam týraly habarlaǵan edi.
Polıtsııa kóliktiń júrgizýshisin ustady. Ol kólikti alkogoldik mas kúıinde júrgizdi degen kúdikke ilingen 71 jastaǵy er adam bolyp shyqty.
Oqıǵa oryn alǵan aýdanda jergilikti ýnıversıtetterdiń biri ornalasqan.
