AQSh Reseıge qarsy sanktsııalardyń bir bóligin 20 tamyzǵa deıin ýaqytsha toqtatty

ASTANA. KAZINFORM – AQSh Qarjy mınıstrligi Reseıge qarsy engizilgen sanktsııalardyń bir bóligin 20 tamyzǵa deıin ýaqytsha toqtatty. Bul sheshim Alıaskada ótetin sammıtke daıyndyq jáne ony ótkizý úshin qajetti qarjylyq tranzaktsııalarǵa qatysty qabyldandy, dep habarlaıdy vedomstvonyń saıty.

Mınıstrliktiń málimetinshe, ádette RuHSR jáne URSR sheńberinde tyıym salynǵan, biraq Alıaskadaǵy kezdesýge qatysý nemese ony qoldaý úshin qajet barlyq operatsııalarǵa 2025 jylǵy 20 tamyz, saǵat 00:01-ge deıin ruqsat berilgen.

Qujatta bul shara buǵattalǵan aktıvterdi bosatýdy kózdemeıtini atap ótilgen.

Buǵan deıin Pýtın men Tramptyń Alıaskada ótetin kezdesýine oraı qaýipsizdik sharalary kúsheıtilgeni habarlanǵan edi.