AQSh Reseıge et tasymaldaýdy toqtatýy múmkin
ASTANA. 8 jeltoqsan. QazAqparat - Búginnen bastap AQSh-tan Reseıge sıyr jáne shoshqa etin tasymaldaýǵa tyıym salynýy múmkin.
Bul týraly Amerıkanyń et eksporty federatsııasyna silteme jasap RBK málimdep otyr.
Oǵan resmı Máskeýdiń eksporttyq etke qatysty engizgen jańa talaptar sebep boldy. Oǵan sáıkes, Reseı naryǵyna túsetin ettiń quramynda raktopamın (maldyń asyra semirýine qarsy qospa) bolmaýy tıis. AQSh tarapy málim etkendeı, qazirgi kezde Reseıge 20 mln. dollar turatyn 210 et konteıneri jóneltildi. Amerıkanyń et eksporty federatsııasynyń ókilderi Reseıdiń bul bastamasyn AQSh-tyń «Magnıtskıı zańyna» qarsy sharasy dep baǵalap otyr.
Aıta keteıik, osydan birneshe kún buryn AQSh Senaty «Magnıtskıı zańyn» qabyldaǵan bolatyn. Ol boıynsha zań prıntsıpterin saqtamaı, adam quqyqtaryn buzǵan reseılik sheneýnikterge AQSh-qa kelýge tyıym salynǵan. RF Syrtqy ister mınıstrligi bolsa, osy ispetti shekteýdi amerıkandyq sheneýnikter úshin de engizetindigin málimdegen.
