AQSh prokýrorlary reper P. Diddy-ge 11 jyl túrme jazasyn berýdi talap etti

ASTANA.KAZINFORM — Seısenbi kúni AQSh federaldy prokýrorlary P. Diddy laqap atymen belgili reper Shon Kombsty seksýaldyq qylmys jasaǵany úshin 11 jyldan astam bas bostandyǵynan aıyrýǵa úkim shyǵarýǵa shaqyrdy, dep habarlaıdy Reuters agenttigi.

Sot qujattaryna sáıkes, aıyptaýshy tarap reperge kem degende 135 aıǵa (11 jyl 3 aı) bas bostandyǵynan aıyrý, sondaı-aq 500 000 AQSh dollary kóleminde aıyppul tóleý jazasyn surap otyr.

Іs boıynsha sońǵy sheshimdi juma kúni Manhettende AQSh okrýginiń sýdıasy Arýn Sýbramanıan shyǵarady.

Sot alqasy P. Diddy-di rekettik jáne adam saýdasy boıynsha eń aýyr aıyptaýlardan aqtap shyqty, ol aıyptar boıynsha oǵan ómir boıyna bas bostandyǵynan aıyrý jazasy kesilgen.

Kombs barlyq aıyptar boıynsha kinásin moıyndamady jáne úkimge shaǵymdanatynyn málimdedi.

Ótken aptada advokattar sotty 14 aı merzimmen shektelýge shaqyrdy.

Eger sýdıa qorǵaýshy tarapty qoldaıtyn bolsa, P.Diddy 2024 jyldyń 16 qyrkúıeginde qamaýǵa alynǵannan bergi túrmede otyrǵan ýaqyty eskerilip, jyl sońyna deıin bosatylýy múmkin.

Esterińizge sala keteıik, amerıkalyq reper men prodıýserdiń ústinen seksýaldyq zorlyq-zombylyq jasady jáne qýdalaý jasady dep aıyptalǵan jańa sot isteri qozǵaldy. Eki áıel men tórt er adamnan barlyǵy alty talap aryz berilgen. Onda 1995 jáne 2021 jyldar aralyǵynda bolǵan oqıǵalar baıandalady.