AQSh prokýratýrasy Maıkl Djeksonnyń dárigerine aıyp taǵý nıetinde
ASTANA. Aqpannyń 3-i. QazAqparat - Amerıkandyq prokýratýra Maıkl Djeksonnyń jeke dárigeri Konrad Mıýrreıge abaısyzda adam óltirdi degen aıyp taqqaly otyr,
dep habarlady sársenbi kúni «Assoshıeıted Press » agenttigi sot organdaryndaǵy aty atalmaǵan derek kózge silteme jasap.
Derek kózdiń aıtýynsha, prokýratýra aıyptalýshyny sotqa berý nemese onyń isin jabý týraly máseleni alqabıler sotynyń qaraýyna bermeı, dárigerdiń ústinen qylmystyq is qozǵaýy múmkin.
Maıkl Djekson 2009 jyly maýsymnyń 25-inde 51 jasynda qaıtys boldy. Onyń qazasyna aýyrsynýdy basatyn «Propofol» dárisiniń shekten tys dozasy sebep bolǵan.
Mıýrreı Kalıfornııa, Nevada, Tehas shtattarynda jumys isteıtin tájirıbeli dáriger. Qaıǵyly oqıǵa bolǵan kezde ol Djeksonnyń qasynda bolǵan edi.
"Propofol" aýrýhanalarda hırýrgııalyq operatsııalardyń aldynda naýqastardy uıyqtatyp tastaý úshin qoldanylady. Ondaı narkozdy jasaý tek tájirıbeli anestezıologtarǵa ǵana senip tapsyrylady.
Djekson kóptegen jaraqattar men plastıkalyq operatsııalardyń saldarynan paıda bolǵan sozylmaly uıqysyzdyq pen aýyrsyný sındromdaryn jeńý úshin kúshti áser etetin dáriler qabyldap kelgen degen kúdik bar.
