AQSh prezıdenttik saılaýdaǵy V.ıAnýkovıchtiń jeńisin moıyndady
ASTANA. Aqpannyń 12-si. QazAqparat - AQSh Prezıdenti Barak Obama telefonmen Aımaqtar partııasynyń jetekshisi Vıktor ıAnýkovıchti Ýkraına prezıdentiniń saılaýyndaǵy jeńisimen quttyqtady.
Bul týraly partııanyń baspasóz qyzmeti habarlap otyr.
RBK agenttiginiń habarlaýynsha, amerıkan basshysy «prezıdenttik saılaý kezinde jurttyń kózi jetken Ýkraınadaǵy demokratııanyń damý deńgeıine joǵary baǵa berip ótti». V.ıAnýkovıch quttyqtaý úshin alǵysyn bildirdi jáne AQSh pen Ýkraınanyń arasyndaǵy seriktestik qarym-qatynastyń ózara senim jáne ózara qurmet qaǵıdalary negizinde damı túsetinin atap kórsetti.
Esterińizge sala keteıik, beısenbi kúni V.ıAnýkovıchti jeńisimen GFR, Frantsııa jáne Polsha prezıdentteri quttyqtaǵan bolatyn.
«EQYU-nyń baıqaýshylar mıssııasy atap kórsetkendeı, demokratııalyq mazmunda jáne normalarǵa sáıkes ótken saılaý kezinde Ýkraına halqy óz tańdaýyn jasady. Bul Ýkraınadaǵy demokratııanyń jeńisi bolyp tabylady jáne barsha aımaqqa úlgi bolarlyq is. Sizben jumys isteıtinime qýanyshtymyn», delingen Frantsııa Prezıdentiniń quttyqtaýynda.
Al GFR Prezıdenti V.ıAnýkovıchke «barlyq yǵyttardy eńserýde úlken tabystar» tiledi.
