AQSh prezıdenttigine kandıdat Bakman KSRO-nyń qulaǵanyn umytyp, onyń «nyǵaıýyna» alańdaýly ekenin aıtty
ASTANA. 19 tamyz. QazAqparat - Respýblıkalyq partııa atynan AQSh prezıdenti taǵyna úmitti Mıshel Bakman KSRO-nyń 20 jyl buryn qulaǵanyn esten shyǵaryp, «amerıkalyqtar Keńes Odaǵynyń nyǵaıýyna alańdaýly» dep jar saldy,
dep jazady Newsru.com The USA Today gazetine silteme jasap.
«Adamdar Qurama Shtattardyń toqtaýsyz quldyrap bara jatqanyna alańdaýly ekenderin jasyrmaıdy. Olar Qytaıdyń, Úndistannyń, Keńes Odaǵynyń nyǵaıyp bara jatqanyn kórip otyr», - dedi saıasatker amerıkalyq radıo efırinde sóılegen sózinde.
Basylym respýblıkalyq partııa múshesiniń buǵan deıin de tarıhı faktilerden qateleskenin eske salyp ótti. Máselen, osy aptada ol taǵy qatelesip, Elvıs Preslıdiń ólgen kúni ony týǵan kúnimen quttyqtaǵan, dep jazady InoPressa.
