AQSh prezıdentiniń ulttyq qaýipsizdik jónindegi kómekshisi Beıjińge bardy
ASTANA. KAZINFORM – AQSh prezıdentiniń ulttyq qaýipsizdik jónindegi kómekshisi Djeık Sallıvan úsh kúndik saparmen Beıjińge bardy.
Jergilikti aqparat quraldarynyń habarlaýynsha, Dj.Sallıvannyń Qytaıǵa sapary AQSh prezıdentiniń ulttyq qaýipsizdik jónindegi kómekshisiniń keıingi segiz jyldaǵy alǵashqy sapary.
QHR Syrtqy ister mınıstrliginiń habarlaýynsha, Dj.Sallıvan QKP OK Saıası bıýrosynyń múshesi, QKP Ortalyq syrtqy ister komıssııasy keńsesiniń meńgerýshisi Van Idiń shaqyrýymen 27-29 tamyz aralyǵynda Qytaı-Amerıka strategııalyq baılanystarynyń jańa kezeńin ótkizý úshin Qytaıda bolady.
Gonkong aqparat quraldarynyń habarlaýynsha, kezdesýler barysynda taraptar aımaqtyq jáne jahandyq kún tártibindegi máselelerdi talqylaıdy.
Osyǵan deıin demokratııalyq partııanyń Ulttyq sezd aldynda jáne onyń barysynda júrgizilgen birqatar saýalnama Demokratııalyq partııadan prezıdenttikke úmitker Kamala Harrısti qoldaý deńgeıi Respýblıkalyq partııanyń qarsylasy Donald Tramptan joǵary ekenin kórsetkenin habarladyq.
