AQSh prezıdentiniń keńesshisi HAMAS-pen kelissózden keıin Izraılge bardy
ASTANA. KAZINFORM – AQSh prezıdentiniń Gaza cektory jónindegi josparynyń ekinshi kezeńine qatysty dıplomatııalyq kúsh-jiger Izraıldiń usynylǵan jol kartasyn qabyldaýdan bas tartýynan keıin kúsheıe tústi, dep habarlaıdy Kazinform agenttiginiń Taıaý Shyǵystaǵy menshikti tilshisi.
AQSh prezıdentiniń keńesshisi Djared Kýshner 17 tamyzda Izraılge bardy. Onda ol bir kún buryn Mysyrda HAMAS basshylyǵymen kelissózden keıin premer-mınıstr Bınıamın Netanıahýmen kezdesýi tıis bolǵan.
Jeksenbide ótken kezdesýde HAMAS ókilderi Kýshnerge Gaza sektoryn qarýsyzdandyrý jáne demılıtarızatsııalaý protsesin bastaýǵa daıyn ekenin rastady, dep habarlady Axios kelissózben tikeleı tanys derekkózge silteme jasap.
New: Hamas leaders reaffirmed their commitment to disarm and demilitarize Gaza in a meeting with President Trump's adviser Jared Kushner in Egypt on Sunday, according to a source with direct knowledge. My story on @axios https://t.co/qx4b4RAn1l
— Barak Ravid (@BarakRavid) August 16, 2026
Amerıkalyq ókil bul rette jaı ǵana málimdemeler jetkiliksiz ekenin atap ótip, qozǵalystan naqty áreketterdi talap etti.
- Biz olarǵa mindetteme úshin alǵys bildirdik, biraq biz tek sóz emes, naqty kúsh-jigerdi kórgimiz keledi, - dep habarlady basylym derekkózi.
Onyń aıtýynsha, Kýshner HAMAS ókilderine qarýsyzdaný máselesi qaıta qaraýǵa jatpaıtynyn málimdedi. Bul rette qozǵalys tarapynan praktıkalyq qadamdar jasalǵan jaǵdaıda Vashıngton Izraılden tıisti sharalardy talap etýge nıetti.
Bılikti tapsyrý jáne HAMAS sharttary
Kelissózde sondaı-aq HAMAS-tyń Gaza sektoryn basqarý ókilettigin Palestına tehnokratııalyq komıtetine berýi de talqylandy. Qozǵalys ókilderi jańa ákimshilik qyzmetke kiriskennen keıin Gaza sektoryn odan ári basqarýdan bas tartýǵa daıyn ekenin bildirdi.
Kezdesýden keıin HAMAS ekinshi kezeńdi júzege asyrý Izraıl shabýyldaryn toqtatý, áskerlerdi shyǵarý, gýmanıtarlyq kómektiń turaqty jetkizilýi jáne Gazany qalpyna keltirýdiń bastalýymen qatar júrýi kerek ekenin málimdedi.
Qozǵalys deldaldardy jáne Beıbitshilik keńesin Izraıldiń óz mindettemelerin oryndaýyn jáne jol kartasyna kelisýin qamtamasyz etýge shaqyrdy.
The Times of Israel-diń arab dıplomatyna silteme jasaı otyryp habarlaýynsha, HAMAS ókilderi Kýshnerge qarýsyzdandyrýdy Netanıahý jospardyń sharttaryna degen adaldyǵyn jarııa túrde rastaǵannan keıin ǵana bastaýǵa daıyn ekenin habarlady.
Deldaldarmen kezdesý
Sol kúni Kýshner deldal – Mysyr, Qatar jáne Túrkııanyń ókilderimen, sondaı-aq Gaza jónindegi Joǵarǵy ókil Nıkolaı Mladenovpen kezdesti. Mysyr memlekettik aqparat qyzmetiniń (SIS) habarlaýynsha, taraptar Tramp josparynyń ekinshi kezeńine kóshýdi jedeldetý úshin qajetti sharalardy talqylady.
Mysyr, Qatar jáne Túrkııa AQSh-tyń Gaza sektorynda turaqtylyqty ornatý jónindegi kúsh-jigerin qoldaıtynyn rastap, Sharm-esh-Sheıh kelisimderi aıasynda osy ýaqytqa deıin qol jetkizilgen nátıjelerge nuqsan keltirýge baǵyttalǵan kez kelgen áreketterden saqtandyrdy.
Budan basqa, Kýshner sapary barysynda Mysyr prezıdenti Abdel Fattah as-Sısımen de kezdesti. Taraptar Gaza sektoryndaǵy jaǵdaıdy, aımaqtyq máselelerdi jáne ekijaqty qarym-qatynasty talqylady. Mysyr basshysy búkil aımaqtyń qaýipsizdigi úshin Gazadaǵy jaǵdaıdy turaqtandyrýdyń mańyzdylyǵyn atap ótti.
الرئيس عبد الفتاح السيسي يستقبل صهر الرئيس الأمريكي بمدينة العلمين
— رئاسة جمهورية مصر العربية (@EGPresidency_AR) August 16, 2026
https://t.co/2U7zlVvSuq #السيد_الرئيس_عبدالفتاح_السيسي #الجمهورية_الجديدة #موقع_الرئاسة pic.twitter.com/CD9VdqXUY8
Izraılden ne kútedi
Kýshnerdiń Izraıl premer-mınıstrimen kelissózi Izraıldiń amerıkalyq jospardyń ekinshi kezeńine ótý úshin qajetti ózara qadamdaryna baǵyttalatyny josparlanyp otyr.
HAMAS qarýsyzdanýdy bastaǵan jaǵdaıda Beıbitshilik keńesi Izraılden Halyqaralyq turaqtandyrý kúshterin Palestına anklavyna kirgizýdi, Rafah aımaǵynda qaıta qurý jumystaryn bastaýdy jáne Izraıl áskerlerin bastapqy shyǵarý máselesin talqylaýdy kútedi. Izraılden sondaı-aq gýmanıtarlyq kómek jetkizilimin jedeldetý máselesi kútiledi.
Eske salsaq, ótken aptada Izraıl AQSh basqaratyn «Beıbitshilik keńesi» usynǵan Gaza sektoryndaǵy beıbit kelisimge qatysty 15 pýnktten turatyn jol kartasyn qabyldamady.
Izraıl premeriniń ustanymy jospardyń ekinshi kezeńine ótýdegi negizgi kedergilerdiń birine aınaldy.
Bir kún buryn Túrkııa, Mysyr, Indonezııa, Iordanııa, Pákistan, Qatar, Saýd Arabııasy jáne BAÁ syrtqy ister mınıstrleri Izraıldiń AQSh prezıdenti Donald Tramptyń BUU Qaýipsizdik Keńesiniń №2803 qararymen maquldanǵan Gaza sektory boıynsha josparyn oryndaýdan bas tartýyn aıyptady.
