AQSh prezıdentiniń arnaıy ókili Vladımır Pýtınmen kezdesedi

ASTANA. KAZINFORM — RF prezıdentiniń baspasóz hatshysy Dmıtrıı Peskov Stıven Ýıtkoff pen Vladımır Pýtın 11 sáýirde kezdesip, Ýkraına máselesin talqylaıtynyn habarlady, dep habarlaıdy Kazinform tilshisi.

Búgin Sankt-Peterbýrgtegi Grand Hotel Europe qonaqúıinde amerıkalyq joǵary laýazymdy sheneýnik Reseı Prezıdentiniń shet eldermen ınvestıtsııalyq jáne ekonomıkalyq yntymaqtastyq jónindegi arnaıy ókili, Reseı tikeleı ınvestıtsııalar qorynyń (RDIF) basshysy Kırıll Dmıtrıevpen kezdesý ótkizdi.

Aıta keteıik, S. Ýıtkoff búgin Sankt-Peterbýrgke kelgen bolatyn. 

Buǵan deıin 13 naýryzda ol Máskeýge baryp, Reseıdiń joǵary laýazymdy tulǵalarymen, sondaı-aq prezıdent V.Pýtınmen kezdesti. Reseı prezıdentiniń baspasóz hatshysy D. Peskov S. Ýıtkofftyń reseılik tarapqa Ýkraınaǵa qatysty qosymsha aqparat bergenin, al Reseı prezıdenti ol arqyly amerıkalyq áriptesine aqparat pen qosymsha sıgnaldar taratqanyn habarlady.