AQSh Prezıdentiniń arnaıy ókili men Memlekettik hatshysynyń orynbasary Qazaqstanǵa keldi
ASTANA. KAZINFORM – AQSh Prezıdentiniń Ońtústik jáne Ortalyq Azııa boıynsha arnaıy ókili Serdjıo Gor men AQSh Memlekettik hatshysynyń orynbasary Krıstofer Landaý Almatyǵa keldi. Bul týraly Aqorda habarlady.
Sapar barysynda qazaq-amerıka qarym-qatynasynyń perspektıvasy, sondaı-aq halyqaralyq jáne óńirlik kún tártibiniń máseleleri talqylanatyn birqatar kezdesý ótedi dep josparlanyp otyr.
Búgin Serdjıo Gor men Krıstofer Landaý Qazaqstanda jumys istep jatqan amerıkalyq kompanııalar basshylarymen, iskerlik top ókilderimen kezdesti.
Sondaı-aq olar Almatydaǵy zamanaýı óner mýzeıine, «Shymbulaq» taý shańǵysy kesheni men «Medeý» muz aıdynyna bardy.
Mártebeli meımandardy Qazaqstan Respýblıkasy Prezıdenti Ákimshiliginiń Basshysy Aıbek Dádebaı qarsy aldy.
Buǵan deıin AQSh-tyń arnaıy elshisi men Memlekettik hatshy orynbasary Qazaqstanǵa keletinin jazǵan edik.
