AQSh prezıdentiniń arnaıy ókili bar ushaq Reseıge qondy

ASTANA. KAZINFORM — Búgin tańerteń Máskeýge AQSh-tan kelgen ushaq qondy, boljam boıynsha bortynda AQSh prezıdentiniń arnaıy ókili Stıv Ýıtkoff bar, dep habarlaıdy Kazinform tilshisi.

Ushaq «S. Ýıtkoff osy aptada Reseıge barady» degen habar tarap jatqan tusta Reseıge ushyp keldi.

Keıinnen reseılik BAQ-ta AQSh prezıdentiniń arnaıy ókili Stıv Ýıtkofftyń Reseı astanasyna kelýi týraly habarlamalar aıasynda úkimettik kortej Vnýkovo áýejaıy aýmaǵynan shyǵyp ketkeni týraly aqparat tarady.

Buǵan deıin Axios portaly amerıkalyq sheneýnikke silteme jasap, Pýtın men Ýıtkofftyń kezdesýi 25 sáýirde ótýi múmkin ekenin habarlaǵan bolatyn. Aq úı Ýıttkofftyń osy aptada Máskeýge saparyn rastady.

Óz kezeginde Reseı prezıdentiniń baspasóz hatshysy Dmıtrıı Peskov bul saparǵa qatysty naqty málimetter joq ekenin, biraq ózgerister bolýy múmkin ekenin, Kreml bul týraly habarlaıtynyn túsindirdi.

Aıta keteıik, Reseı prezıdenti V.Pýtın men AQSh prezıdentiniń arnaıy ókili S. Ýıtkofftyń buǵan deıingi kezdesýi 11 sáýirde Sankt-Peterbýrgte ótken bolatyn. Kezdesý bes saǵatqa jýyq ýaqytqa sozyldy.

Reseı prezıdentiniń kómekshisi ıÝrıı Ýshakov áńgimeniń negizgi aýany Ýkraına tóńiregindegi jaǵdaı bolǵanyn, biraq basqa da saıası jáne ekonomıkalyq máseleler de kóterilgenin atap ótti.

Osyǵan deıin AQSh prezıdenti Donald Tramp mamyr aıynyń ortasynda Tramptyń Saýd Arabııasy, Qatar jáne BAÁ saparynan keıin Reseı prezıdenti Vladımır Pýtınmen kezdesýi múmkin ekenin aıtty.