AQSh prezıdentiniń oqqaǵarlaryna is-saparda ishimdik ishýge tyıym salyndy

agentterdiń qoǵamdyq oryndarda ózderin ustaý talaptaryn qataıtty,dep habarlady Bı-Bı-Sı.

Endi shet memleketterge sapar barysynda Qupııa qyzmet ókilderine alkogoldi ishimdikterdi paıdalanýǵa, «kúdikti» oryndarǵa barýǵa, ózderi turyp jatqan meımanhanaǵa sheteldikterdi eritip kelýge tyıym salynady. «Ózderińizdiń árbir basqan qadamdaryńyzǵa sońǵy aıda bolǵan oqıǵa negizinde qarańyzdar»,-deıdi Qupııa qyzmet dırektory Mark Salıvan qol astyndaǵy qyzmetkerlerine.

Agentter sonymen qatar, ádep, ıaǵnı etıka kýrstarynan ótedi. Kolýmbııalyq jezókshelermen baılanysty jynoınaqqa Qupııa qyzmetiniń jáne AQSh-tyń Qorǵanys salasynyń 12 qyzmetkeri qatysty bolyp shyqty. AQSh Prezıdenti Kolýmbııanyń Kartahen qalasynda ótken aımaqtyq konferentsııaǵa qatysyp jatqanda, onyń elıtaly kúzet qyzmetiniń ókilderi jergilikti oıyn-saýyq oryndaryndaǵy jeńil júristi qyzdarmen qydyryp, ishimdik ishýge ketken.

Moraldyq kelbet jóninde    

Osy oqıǵaǵa qatysy bar Qupııa qyzmetiniń 12 qyzmetkeri jumystarynan bosatyldy nemese tártiptik jaýapqa tartyldy. Arnaıy qyzmet ókilderi ózge de agentterdiń 2011 jyly Salvadorǵa sapary barysynda strıptız-klýbynda aqyly jynystyq qyzmet túrlerin paıdalanǵandyǵy jónindegi aqparat boıynsha tekserýler júrgizýde. AQSh-tyń Qupııa qyzmetiniń baspasóz-hatshysy agentterdiń Salvadordaǵy etıka normalaryna jatpaıtyn qylyqtaryn áshkereleıtin naqty dálelder joqtyǵyn málimdeıdi. Budan bylaı, shet memleketke sapar barysynda agentterge qandaı oryndarda jáne qandaı aýdandarda bolýǵa bolmaıtyndyǵy jóninde arnaıy talap qoıylady. Agentter ózderiniń kezekti qyzmetine túserge deıingi 10 saǵatta spırtti ishimdik paıdalanýǵa bolmaıdy. Sondaı-aq qonaq úıdiń qyzmetshileri men kelissózderge qatysýshy azamattar men qyzmettes áriptesterinen ózge azamatar turatyn bólmelerge barýǵa da tyıym salynady. Ózge ýaqyttarda belgili bir deńgeıde spırtti ishimdikterdi paıdalanýǵa bolady.