AQSh prezıdenti musylmandardy Ramazan aıymen quttyqtady
ASTANA. 9 shilde. QazAqparat - Aq Úıdiń baspasóz qyzmeti AQSh prezıdenti Barak Obamanyń jergilikti jáne barsha álem musylmandaryn qasıetti dep sanalatyn Ramazan aıymen quttyqtaǵan málimdemesin taratty.
Obama oraza aıynda musylmandardyń beıbitshilik, ádildik pen teńdik sııaqty barsha dinderge ortaq prıntsıpterdi basshylyqqa ala otyryp, otbasylarymen jáne dostarymen birge tereń oıǵa shomyp, aýyz bekitip jáne qulshylyq qylatynyn aıtady.
Málimdemede: "Bul aı adamzatqa ortaq bostandyq, ar-namys pen múmkindik sııaqty mańyzdy quqyqtardy eske salady. Taıaý Shyǵys pen Soltústik Afrıkadaǵy kóptegen azamat osy eń qarapaıym quqyqtary úshin kúresip jatqanda, mıllıondaǵan bosqyn Ramazandy úıinen tys jerde qarsy alyp jatqanda osy qundylyqtardy taǵy bir oıǵa túsiremiz. AQSh barsha halyq óz bolashaǵyn ózi jobalap, dinı senimin ashyq, qoryqpaı ustana alatyn álem qurýǵa atsalysyp jatqandarmen birge" delingen.
Prezıdent Obama Ramazan aıynyń mıllıondaǵan musylman amerıkalyqtardyń úkimette, ǵylym men áleýmettik salada qyzmet etip, eldi nyǵaıtýǵa qosyp jatqan úlesterin eske salatynyn jazady. Ol aldyńǵy tórt jyl qatarynan aýyzashar bergenin, bıyl da Iftar keshin uıymdastyryp, amerıkalyq musylmandarmen kezdesýge asyq ekenin bildirdi, dep habarlaıdy «Azattyq».
