AQSh prezıdenti men Soltústik Koreıa kóshbasshysy kezdesti
ASTANA. QazAqparat - Sıngapýrda tarıhta alǵash ret AQSh prezıdenti Donald Tramp pen Soltústik Koreıa kóshbasshysy Kım Chen Yn kezdesti. Shara eki memleket basshylarynyń qol alysýymen bastaldy, dep habarlaıdy QazAqparat TASS agenttigine silteme jasap.
Іs-shara Sentoza kýrorttyq aralyndaǵy bes juldyzdy Capella qonaqúıinde ótip jatyr.
AQSh pen Soltústik Koreıa basshylary aldymen bir-birin qol alysý arqyly jyly shyraımen qarsy alyp, jeke kezdesý úshin kelissózder bólmesine ketti. Aq úıdiń málimetinshe, tek aýdarmashylardyń ǵana qatysýymen ótken júzdesý 48 mınýtqa (Astana ýaqytymen 07.04-te bastaldy) sozyldy.
Endi olar keńeıtilgen quramdaǵy kelissózderge qatysatyn bolady.
Donald Tramp pen Kım Chen Yn Sıngapýrǵa jeksenbi kúni keshkisin ushyp keldi jáne eldiń premer-mınıstrimen kezekpen kezdesti.
VVS-diń málimetinshe, sammıttiń basty taqyryby KHDR-di ıadrolyq qarýsyzdandyrý bolmaq. AQSh KHDR-diń ıadrolyq qarýdan bas tartyp, oqtumsyqtardy úshinshi tarapqa berý protsesin bastaǵanyn qalaıdy.
Phenıan onyń ornyna ne talap etetini belgisiz. TsTAK Koreıa aqparat agenttigi kezdesý aldynda habarlaǵandaı, «jańa dáýir talaptaryna saı AQSh pen KHDR arasynda jańa qarym-qatynastardy ornatý» josparlanyp otyr.
