AQSh Prezıdenti men NATO Bas hatshysy Aýǵanstandaǵy birlesken strategııalaryn talqylady
BRıÝSSELЬ. Qyrkúıektiń 8-i. QazAqparat /Dımash Syzdyqov/ - AQSh Prezıdenti Barak Obama men NATO Bas hatshysy Anders Fog Rasmýssen seısenbi, qyrkúıektiń 7-sinde Vashıngtonda bolǵan kezdesýde Aýǵanstandaǵy birlesken strategııalaryn jáne aımaqtaǵy kúsh-jigerlerin ári qaraı kúsheıtýdiń jaıyn talqylady, dep habarlady Soltústikatlantıkalyq alıanstyń baspasóz qyzmetinen.
Kelissóz barysynda taraptar, eldegi baqylaýdyń aýǵandyq qaýipsizdik kúshteriniń qaramaǵyna birtindep aýystyrylýyn qamtamasyz etýge kelisti. Odaqtastar quqyq qorǵaýshy qurylymdarynyń, armııa men arnaıy qyzmetterdiń ókilderin oqytý jónindegi kúsh-jigerin arttyrýlary qajet.
AQSh-qa saparynyń barysynda Alıans Bas hatshysy sondaı-aq, AQSh Memlekettik hatshysy Hılları Klıntonmen, qorǵanys mınıstri Robert Geıtspen jáne ulttyq qaýipsizdik jónindegi keńesshi Djeıms Djonspen kezdesýler ótkizdi. Taraptar qarashanyń 19-20-synda Lıssabonda ótetin NATO sammıtine daıyndyqtyń barysyn jáne Alıanstyń jańa strategııalyq tujyrymdamasyn jarııalaý máselesin talqylady.
