AQSh prezıdenti koronavırýs pandemııasy aıaqtaldy dep málimdedi

VAShINGTON. QazAqparat – Prezıdent Djo Baıden CBS «60 mınýt» baǵdarlamasynda koronavırýs pandemııasynyń aıaqtalǵanyn málimdedi, dep habarlaıdy QazAqparat tilshisi Breitbart saıtyna silteme jasap.

Vırýs alǵash ret QHR Hýbeı provıntsııasy Ýhan qalasynda 2019 jyldyń jeltoqsanynda anyqtaldy. Qurama Shtattarda 2020 jyldyń basynda aýrý juqtyrǵandar anyqtala bastady. 2020 jyldyń kókteminen bastap birneshe shtatta kásiporyndar men mektepter jabyldy. Koronavırýsqa qarsy vaktsına 2020 jyldyń jeltoqsanynda birqatar elde paıda boldy.

Júrgizýshi Skott Pellı baǵdarlama barysynda AQSh prezıdentinen «Pandemııa bitti me?» dep surady.

Djo Baıden bylaı dep jaýap berdi: «Pandemııa aıaqtaldy. Bizde koronavırýspen baılanysty problema áli de bar. Biz áli de osy másele boıynsha kóp jumys isteımiz. Biraq pandemııa bitti. Baıqaǵan bolsańyz, bizde eshkim maska taqpaıdy. Báriniń jaǵdaıy durys sııaqty. Sondyqtan jaǵdaı ózgerdi dep oılaımyn».

Rústem Qojybaev
Foto:edition.cnn.com