AQSh prezıdenti Kerrıdi memlekettik hatshy qyzmetine usyndy
ASTANA. 22 jeltoqsan. QazAqparat - AQSh prezıdenti Barak Obama memlekettik hatshy qyzmetine demokratııalyq partııanyń ókili, AQSh Kongresi senatynyń halyqaralyq ister jónindegi komıtetiniń jetekshisi Djon Kerrıdi usynatynyn málimdedi.
Buǵan deıin osy qyzmetke úmitker retinde esimi atalǵan BUU-daǵy AQSh elshisi Sıýzan Raıs Kongreste respýblıkalyq partııa ókilderiniń qatty synyna tap bolǵan soń óz kandıdatýrasyn qaıtaryp alǵan edi.
AQSh-tyń qazirgi memleketik hatshysy Hılları Klınton óziniń bul qyzmetten ketetini týraly osyǵan deıin birneshe ret málimdegen bolatyn.
69 jastaǵy Djon Kerrı 2004 jyly AQSh prezıdentiniń saılaýynda demokratııalyq partııanyń atynan túsken, biraq ol saılaýda kishi Djordj Býsh jeńiske jetken edi, dep habarlaıdy «Azattyq».
