AQSh prezıdenti Aýǵanstan operatsııalaryna shyǵyndy qysqartpaq
ASTANA. 18 mamyr. QazAqparat - AQSh Prezıdenti Barak Obama 1 qazannan bastalatyn 2014 qarjy jylynda Aýǵanstandaǵy operatsııalarǵa 79,4 mlrd. dollar shyǵyndaýdy usynyp otyr. Bul buǵan deıingi shyǵyndardan 10 paıyzǵa kem, dep habarlady BBC.
2014 jyldan keıin Aýǵanstandaǵy amerıkandyq áskerı kontıngent kúrt qysqarýy tıis. AQSh Ulttyq qaýipsizdik keńesi ókiliniń atap ótýinshe, shyǵystardyń qysqarýy Aýǵanstandaǵy áskerıler sanynyń azaıýymen tikeleı baılanysty. Degenmen el prezıdenti atalǵan elden qansha áskerı qyzmetshi shyǵarylatyndyǵyn naqty sheshken joq.
