AQSh prezıdenti: Mask Respýblıkalyq partııaǵa qaıta qosylady dep úmittenemin

ASTANA. KAZINFORM – Donald Tramp amerıkalyq kásipker ári mıllıarder Ilon Masktyń Respýblıkalyq partııaǵa oralýdan basqa amaly joq ekenin málimdedi, dep habarlaıdy MSN. 

Bul týraly AQSh prezıdenti «Skott Djennıngs shoýyna» telefon arqyly bergen suhbatynda aıtty.

– Meniń oıymsha, onyń basqa tańdaýy joq. Mask Respýblıkalyq partııaǵa qaıta qosylady dep úmittenemin. Ol 80%-ǵa genıı jáne qalǵan 20%-yn toltyrsa, uly adam bolady. Men ony árqashan qurmetteımin, - dep habarlady Donald Tramp. 

Aıta keteıik, Tramp pen Mask Respýblıkalyq partııanyń salyq jáne shyǵyndar týraly «Úlken ádemi zań jobasy» úshin janjaldasyp qalǵan bolatyn. Tesla bas dırektory muny «qaryz quldyǵy týraly zań jobasy» dep atady. 

«Amerıkany qaıtadan uly etemiz» (MAGA) qozǵalysynyń qaıratkerleri, sonyń ishinde vıtse-prezıdent Djeı Vens, mıllıarder Tramptyń 2024 jylǵy saılaýdaǵy jeńisinde sheshýshi ról atqarǵanyn jáne bolashaq saılaýda álemniń eń baı adamyna qol jetkizý paıdaly bolatynyn alǵa tartyp, Masktyń Respýblıkalyq partııaǵa qaıta oralatynyna úmittenip otyr. 

Buǵan deıin Mask «Amerıka» atty jańa saıası partııa qurylǵanyn jarııalady. Óz kezeginde Tramp partııa qurǵysy kelgen Ilon Maskqa jaýap berdi.