AQSh prezıdenti Kýbamen kelissózderdiń bastalǵanyn habarlady

ASTANA. KAZINFORM - Donald Tramp AQSh Kýba basshylarymen kelissózderdi bastap jatqanyn málimdedi, dep habarlaıdy NBC News. 

– Biz Kýbamen kelissózderdi bastap jatyrmyz, - dedi Donald Tramp.

Amerıkalyq kóshbasshy bul málimdemeni Florıdaǵa ushyp bara jatqan Air Force One bortynda jasady. Alaıda, AQSh prezıdenti óz ákimshiliginiń Kýbamen keıingi kezdegi baılanysy nemese kelissózder qashan ótkeni týraly málimet bergen joq.

Bul málimdeme Kýbany kelissóz ústeline májbúrleý úshin Venesýela men Meksıkadan munaı jetkizýdi toqtatý jónindegi AQSh sharalary aıasynda jasaldy. 

Buǵan deıin Tramp Kýbaǵa munaı satatyn nemese jetkizetin elderdiń barlyq taýaryna baj salyǵyn engizý týraly jarlyqqa qol qoıǵany habarlanǵan bolatyn.