AQSh prezıdenti Qasym-Jomart Toqaevqa jyly lebizin joldady
ASTANA. KAZINFORM — Qazaqstan Respýblıkasynyń AQSh-taǵy elshisi Maǵjan Іlııasov Prezıdent Donald Trampqa Senim gramotasyn tapsyrý rásiminen keıin ekeýi az-kem áńgimelesti. Bul týraly Qazaqstan Respýblıkasy Prezıdentiniń kómekshisi — Prezıdenttiń baspasóz hatshysy Rýslan Jeldibaı jazdy.
— Amerıka basshysy bıyl qarasha aıynda Qasym-Jomart Toqaevpen Aq úıdegi kezdesýden alǵan áserimen bólisti. Qurama Shtattar kóshbasshysy Qazaqstan Prezıdentine jyly lebizin joldap, ony qurmetteıtinin atap ótti. Sondaı-aq Qasym-Jomart Toqaevty «halyqaralyq úderisterdi tereń biletin ári jan-jaqty túsinetin tájirıbeli memleket qaıratkeri, keremet adam» dep sıpattady. AQSh Prezıdenti Memleket basshysyna syı-syıapat joldady. Olardyń arasynda Aq úıdiń sımvolıkalyq kilti men óziniń qoltańbasy qoıylǵan beısbolka da bar, — delingen habarlamada.
Eske sala keteıik, Prezıdent AQSh sapary aıasynda 20-dan astam kezdesý ótkizgenin jazǵan edik.