AQSh prezıdenti Djo Baıdenniń kúzet korteji jol apatyna ushyrady

Belgisiz bireý AQSh prezıdenti Djo Baıden kortejindegi kólikterdiń birin qaǵyp ketti. Memleket basshysynda bári jaqsy. Bul týraly Aq úıdiń baspasóz qyzmeti habar taratqan. Kazinform bul týraly TASS-qa silteme jasap jazdy.

Prezıdent kortejiniń jol talǵamaıtyn kóligin memleket basshysy jubaıy Djıll Baıdenmen Ýılmıngton ortalyǵyndaǵy (Delaver shtaty) demokratııalyq shtabtan shyqqan kezde belgisiz bireý qaǵyp ketti.

- Qatty soqqy estilgen kezde AQSh prezıdenti kóliktiń janynda turdy, - dep jazdy jýrnalıster.

AQSh qupııa qyzmetiniń agentteri apatqa jaýapty kólikti tez qorshap alyp, júrgizýshige qarý kezengen, ol birden qolyn kóterdi.

Apat aldynda Baıden BAQ-tyń burynǵy prezıdent Donald Trampqa qatysty saýaldaryna jaýap bergen.