AQSh prezıdenti Donald Tramp Aq úıde birqatar málimdeme jasady
ASTANA. KAZINFORM – AQSh prezıdenti Aq úıde ishki jáne syrtqy saıasatqa qatysty birqatar málimdemeler jasady, sonymen qatar óz ólimi týraly qaýesetti joqqa shyǵardy, dep habarlaıdy CNN.
AQSh ǵaryshtyq qolbasshylyǵy Alabama shtatyna kóshedi
AQSh prezıdenti AQSh ǵarysh qolbasshylyǵynyń shtab-páteri Kolorado-Sprıngsten (Kolorado shtaty) Hantsvıllge (Alabama) kóshetinin habarlady. Prezıdenttiń aıtýynsha, bul shtatta 30 myńnan astam jumys ornyn qurýǵa múmkindik beredi.
Atalǵan sheshim Trampbirin prezıdenttiginiń birinshi merzimi kezinde qabyldandy, biraq 2023 jyly prezıdent Djo Baıden qolbasshylyqty Koloradoda qaldyrý týraly sheshim qabyldady.
Internette Tramp ólimi týraly qaýeset shyqty
Tramp óz ólimi týraly qaýesetti joqqa shyǵardy jáne demalys kúnderi jelide onyń ólimi týraly taraǵan qastandyq teorııalarynan beıhabar ekenin habarlady.
Aq úı basshysy óz ólimi týraly emes, densaýlyǵyna qatysty jalpy alańdaýshylyq týraly estigenin aıtty: «Men olardyń: «Onyń jaǵdaıy jaqsy ma? Qal jaǵdaıy qalaı? Ne boldy?» dep suraǵanyn bildim.
Ulttyq gvardııa Chıkagoǵa attanady
Tramp Ulttyq gvardııany Chıkagoǵa ornalastyratynyn málimdedi, biraq naqty ýaqyt kestesin ataǵan joq. Illınoıs shtatynyń gýbernatory seısenbide federaldyq úkimetti óz áreketterin jergilikti quqyq qorǵaý organdarymen úılestire almady dep aıyptady. Gýbernatordyń málimdeýinshe, shtat áskerdiń ornalastyrylýyn sotta daýlaýǵa daıyn.
Tramp Joǵarǵy sottyń tarıfter týraly sheshim shyǵarýyn talap etedi
AQSh prezıdenti málimdegendeı, onyń ákimshiligi sársenbi kúni kóptegen aýqymdy tarıfterin joıǵan Joǵarǵy sot sheshimine shaǵymdanatynyn bolady.
Juma kúni federaldyq apellıatsııalyq sot Tramptyń kóptegen tarıfterin alyp tastap, prezıdent «Kongrestiń negizgi ókildigi» bolyp tabylatyn ımport týraly tarıfterdi engizý úshin tótenshe ókilettikterdi zańsyz paıdalanǵanyn málimdedi.
Ýkraınaǵa qatysty
AQSh prezıdenti Donald Tramp Ýkraınada beıbitshilik ornatý isindegi ilgerileýshilik týraly aıtty, biraq qandaı da bir naqty málimet berýden bas tartty.
- Men óte qyzyqty nárselerdi bildim. Aldaǵy birneshe kúnde keıbir pikirlerdi estısiz, biletin bolasyz dep oılaımyn, - dedi Donald Tramp.
Tramp Pýtın men Ýkraına prezıdenti Zelenskııdiń ekijaqty kezdesýi ótpese, onyń saldary qandaı bolatynyn naqtylaǵana joq.
AQSh prezıdenti beıbit kelissózdiń tyǵyryqqa tirelgenin málimdedi.
Tramp Reseıge qarsy qandaı da bir sanktsııa salatynyn naqty aıtqan joq, tek ákimshiliginiń «qan tógýdi toqtatý úshin birdeńe jasaıtynyn» bulyńǵyr sıpattady.
Buǵan deıin AQSh Venesýela mańynda esirtki tıegen kemege oq atqany týraly jazǵan bolatynbyz.
Sondaı-aq AQSh Venesýeladaǵy teńiz kúshterin kúsheıtedi.