AQSh prezıdenti barshany Naýryz merekesimen quttyqtady

ASTANA.KAZINFORM — Donald Tramp merekelik joldaýynda parsy halqyna erekshe nazar aýdardy, dep habarlaıdy Kazinform tilshisi.

Tramp Amerıka Qurama Shtattary atynan jyly lebizin bildirdi.

—AQSh-ta jáne búkil álemde ejelgi Naýryz meıramyn toılap jatqan barsha janǵa eń jyly tilegimdi joldaımyn. Naýryz — parsy halqy úshin kóktemniń bastalýy men parsy Jańa jylyn bildiretin qýanyshty mereke. Bul ejelden kele jatqan dástúr ótken jyldyń berekesin oı eleginen ótkizip, aldaǵy kóktemge jańarǵan optımıstik rýhpen daıyndalýǵa múmkindik beredi.

Parsy halqy óziniń jarqyn mádenıetimen jáne ǵylym, zań, tehnologııa jáne óner salalaryndaǵy erekshe talantymen qoǵamǵa eleýli úles qosyp keledi. Amerıka Qurama Shtattarynyń atynan barshańyzdy osy qýanyshty merekemen quttyqtaımyn, — delingen Aq úı habarlamasynda.

Buǵan deıin Irannyń Tramptan ıadrolyq kelissózderge qatysty hat alǵany habarlanǵan bolatyn.