AQSh polıtsııasy Braýn ýnıversıtetindegi shabýylǵa qatysy bar kúdiktini anyqtady
ASTANA. KAZINFORM — Derekkózderdiń málimetinshe, polıtsııa Braýn ýnıversıtetinde bolǵan jappaı atysqa qatysy bar kúdikti adamdy qamaýǵa alý týraly order shyǵardy, dep jazdy VVS. Bul týraly tergeýge jaqyn derekkózder BBC-diń amerıkalyq seriktesi — CBS News telearnasyna habarlaǵan.
CBS dereginshe, qazir bılik kúdikti adamnyń ózin jáne ol jalǵa alǵan bolýy múmkin avtokólikti izdestirip jatyr. Kúdiktiniń jeke basy ázirge jarııalanǵan joq.
Sondaı-aq tergeýshiler Braýndaǵy atys pen eki kúnnen keıin Massachýsets tehnologııalyq ınstıtýtynyń professorynyń óltirilýi arasynda baılanys bolýy múmkin degen nusqany da qarastyryp otyr.
Іzdestirý jumystary altynshy kún qatarynan jalǵasyp keledi: tergeýshiler úılerdi aralap, beınebaqylaý kameralarynyń jazbalaryn tekserip, qoǵamnan da qylmyskerdi tabýǵa kómektesýdi surap otyr.
Eske sala ketsek, buǵan deıin AQSh-taǵy Braýn ýnıversıtetindegi atys kezinde eki adam qaza tapqanyn jazdyq.