AQSh polıtsııasy dárethanada bir saǵat otyrǵan jolaýshyny qamaýǵa aldy
ASTANA. Jeltoqsannyń 28-i. QazAqparat - Amerıkandyq arnaýly qyzmetter elge ushyp kelgen jolaýshylardy jiti baqylaýǵa alyp otyr.
Jeksenbi kúni Detroıtta Air Lines kompanııasynyń laıner bortyndaǵy áreketi jurtshylyq nazaryn aýdarǵan nıgerııalyq azamat ustaldy, dep habarlaıdy RBK agenttigi.
«Ál-Kaıeda» múshesi, nıgerııalyq basqa azamat Omar Farýk Ábdýltýtallab sııaqty, bul azamat ta Detroıtqa Amsterdamnan ushyp kelgen. Aldymen ol ushaqtyń dárethanasyna bir saǵatqa kirip ketedi, al jerge qonǵan soń aınalasyndaǵylarmen dóreki sóılese bastaıdy.
Arnaıy qyzmet nıgerııalyq azamatty qamaýǵa alyp, ushaqty tekserip shyqty. Sońǵy málimetter boıynsha, borttan eshqandaı jarylǵysh zat tabylǵan joq.
Esterińizge sala keteıik, nıgerııalyq Omar Farýk Ábdýltýtallab degen azamat jeltoqsannyń 26-synda Amsterdam-Detroıt baǵytyndaǵy ushaqtyń bortynda jarylǵysh zatty iske qospaq bolǵan edi. Jaýap alý kezinde ol, bul lańkestik áreketti oǵan «Ál-Kaıeda» uıymy júktegenin málim etken.
