AQSh polıtsııasy bostondyq lańkesti ustady
ASTANA. 20 sáýir. QazAqparat - AQSh polıtseıleri joramaldy lańkes, 19 jastaǵy Djohar Tsarnaevti qolǵa túsirdi, dep habarlady RBK NBC News telearnasyna silteme jasap.
Bostonda birqatar lańkestik áreket jasaǵany úshin kúdikti bolǵan ol quqyq qorǵaýshylardyń qolyna tirideı tústi. Ony ustaýǵa júzdegen polıtsııa qyzmetkerleri qatysty. Dj.Tsarnaev Charlz ózeni mańynan tabyldy. Ol jaǵalaýdaǵy úılerdiń biriniń aýlasynda turǵan qaıyqqa jasyrynǵan. Ony ustaý barysynda granatalar qoldanylyp, kúdikti aýyr jaraqat alǵan. Polıtsııa da, Federaldy tergeý bıýrosy da oǵan medıtsınalyq kómek kórsetiletindigin aıtýda.
Qazirgi ýaqytta polıtsııa aýmaqta jarylǵysh zattardyń bar ne joq ekendigin tekserýde. Sonymen qatar Nıý-Bedford qalasynda lańkestikke qatysy bar degen kúdikpen eki erkek, 1 áıel qolǵa tústi.
Eske salaıyq, Boston marafony ótip jatqan kezde arasyna 12 sekýnd salyp, eki jarylys boldy, 3 adam qaza taýyp, shamamen 200 adam zardap shekti. Atalǵan jarylystarǵa Soltústik Kavkaz týmalary Djohar Tsarnaev pen onyń aǵasy Tamerlan kúdikti retinde tanyldy. Oqý ornynda bolǵan atys kezinde T.Tsarnaev óltirilip, inisi qashyp ketken bolatyn.
