AQSh polıtsııasy ánshi Grımmıdi atqan adamnyń aty-jónin anyqtady
ASTANA. QazAqparat - Amerıka polıtsııasy «Daýys» shoýynyń burynǵy qatysýshysy, ánshi Krıstına Grımmıdi atyp óltirip, keıin ózine qol salǵan adamnyń aty-jónin anyqtady, dep jazady VVS aganettigi.
Ánshini kontsertten keıin atyp tastaǵan adam 27 jastaǵy Kevın Djeıms Loıbl esimdi Florıda shtatyndaǵy Sankt-Peterbýg qalasynyń turǵyny bolyp shyqty. Bul týraly Orlando polıtsııasynyń «Tvıtterdegi» paraqshasynda habarlandy.
Onyń basqa qaladan ánshini óltirý úshin arnaıy kelgeni, ózimen birge eki revolver men ańshy pyshaǵyn ala kelgeni týraly polıtsııa buǵan deıin habarlaǵan bolatyn. Ol juma kúni keshte 22 jastaǵy ánshini kontserttik baǵdarlamadan keıin tyńdarmandaryna qoltańba berip jatqan kezde atqan bolatyn.
