AQSh pen Japonııa basshylary paıdaly qazba men saýda týraly kelisimderge qol qoıdy
ASTANA. KAZINFORM – AQSh prezıdenti Donald Tramp pen Japonııa premer-mınıstri Sanae Takaıchı ekijaqty kezdesýdiń qorytyndysy boıynsha saýda jáne negizgi paıdaly qazbalar boıynsha eki kelisimge qol qoıdy, dep habarlaıdy Kazinform menshikti tilshisi NBC News arnasyna silteme jasap.
Birinshi kelisim AQSh-Japonııa alıansynda «jańa altyn ǵasyrdy» qarastyrdy jáne AQSh-taǵy japonııalyq ınvestıtsııanyń 550 mıllıard dollaryna aıyrbas retinde japon taýarlaryna 15% baj salyǵyn engizetin saýda kelisimin qamtydy.
– AQSh pen Japonııa kóshbasshylary eki eldiń jyldam jáne dáıekti kúsh-jigerine qanaǵattanýshylyq bildirdi jáne osy iri kelisimdi júzege asyrýǵa berik nıetterin qýattady, - delingen kelisimde.
Ekinshisi – óndirý jáne qaıta óńdeý arqyly mańyzdy jáne sırek jer paıdaly qazbalardy jetkizýdi qamtamasyz etý jónindegi negizdemelik kelisim boldy.
Azııaǵa saparynda Tramp Qytaıdyń eksporttyq baqylaýy elektrondy qurylǵylar men basqa da ozyq tehnologııalardy jasaý úshin qajet sırek jer metaldarynyń jahandyq jetkizilimin buzýy múmkin degen alańdaýshylyq jaǵdaıynda Taıland jáne Malaızııamen osyndaı kelisimderge qol qoıdy.