AQSh pen Úndistan 10 jyldyq qorǵanys paktine qol qoıdy

ASTANA.KAZINFORM - AQSh Úndistanmen 10 jyldyq qorǵanys yntymaqtastyǵy týraly kelisimge qol qoıdy, dep habarlaıdy Reuters.

AQSh qorǵanys mınıstri Pıt Hegset bul týraly juma kúni Malaızııada ótken ASEAN+ qorǵanys mınıstrleriniń kezdesýi aıasynda Úndistan qorǵanys mınıstri Radjnat Sınghpen kezdeskennen keıin málimdedi. Málimdeme onyń resmı X áleýmettik jelidegi akkaýntynda jarııalandy.

Hegsettiń aıtýynsha, qol qoıylǵan kelisim aımaqtyq turaqtylyqtyń negizi bolady jáne eki el arasyndaǵy úılestirýdi, aqparat almasýdy jáne tehnologııalyq yntymaqtastyqty damytýǵa baǵyttalǵan.

Sol kúni Pentagon basshysy Qytaı qorǵanys mınıstri Dýn Tszıýnmen kelissóz júrgizdi. Amerıka tarapy kezdesýdiń syndarly ári oń atmosferada ótkenin atap ótti.

- AQSh qaqtyǵys izdemeıdi, biraq óz múddesin berik qorǵaýǵa jáne muny isteý úshin qajetti múmkindikterdi qamtamasyz etýge nıetti, - dep jazdy Hegset áleýmettik jelilerde.

Biz buǵan deıin Úndistan men AQSh saýda kelissózderine optımıstik kózqaras bildirip otyrǵanyn habarlaǵan edik.