AQSh pen Úndistannyń kompıýterlerin isten shyǵarǵan jańa vırýs ózge elderge de jedel taralyp jatyr
ASTANA. 26 maýsym. QazAqparat - ІT-mamandary prınterden túsiniksiz tańbalarǵa toly paraqtardy basyp shyǵaratyn Trojan.Milicenso atty vırýstyń jańa túrin anyqtady.
Ázirge bul vırýs AQSh pen Úndistanda tarap úlgergen.
Snews.ru habarlaǵandaı, Symantec kompanııasynyń zertteý tobynyń málimetterine sáıkes, bul -Symantec sarapshylary Trojan.Milicenso dep ataǵan zııandy baǵdarlamalyq qamsyzdandyrý júıesi. Ol kóbinese AQSh pen Úndistannyń kompıýterlerine zııan keltirip jatyr, alaıda qazirdiń ózinde Eýropa men Ońtústik Amerıka elderinde keńinen taraı bastady.
Trojan.Milicenso-men zaqymdanǵannan keıin prınterler búkil qaǵazdy taýysqansha túsiniksiz tańbaly paraqtardy basyp shyǵarady. Mamandardyń aıtýynsha, bul vırýs Windows operatsııalyq júıesiniń negizindegi kompıýterlerdi ǵana zaqymdap, elektrondy hattarǵa qystyrylǵan zııandy faıldar nemese túrli zııandy skrıptti veb-saıttar arqyly taralady. AQSh pen Úndistannan basqa Trojan.Milicenso-dan Brazılııa men Brıtanııanyń kompanııalary zardap shegip úlgeripti.
Alaıda sarapshylarǵa qulaq assaq, basyp shyǵarý júıesiniń mundaı buzylysy zııankesterdiń arnaıy maqsatynyń emes, jasalǵan áreketterdiń janama saldary kórinedi. Mamandardyń pikirinshe, bul zııandy baǵdarlamalyq qamsyzdandyrý júıesi tutynýshylardy onlaın-jarnamasy bar veb-paraqtarǵa baǵyttaý maqsatynda jasalǵan, dep habarlaıdy Eýrazııa birinshi arnasy.
