AQSh pen Ulybrıtanııa elshilikteri qazaqstandyqtardy merekemen quttyqtady
ASTANA. QazAqparat - AQSh pen Ulybrıtanııa elshilikteri áleýmettik jelilerde túrli rolıkter jarııalap, qazaqstandyqtardy quttyqtady, dep habarlaıdy QazAqparat.
«Qazaqstan Halqynyń Birligi kúni qutty bolsyn! Happy Unity Day! Dostastyq árdaıym bizdiń balalarymyzdy bólesin!», - degen quttyqtaý sózderin Instagramda jarııalady elshilik.
Vıdeoda qoldarynda «All for one. And one for all!» (Birimiz bárimiz úshin, bárimiz birimiz úshin!), «Birlik», «Kelisim», «Yntymaq» jáne basqa da jazýlary bar paraqtardy ustap turǵan balalar beınelengen.
QR-daǵy Ulybrıtanııa Elshisi Maıkl Djon Gıfford óziniń quttyqtaý sózinde Qazaqstanda 120-dan astam ulttyq dostyq pen kelisimde ómir súrip, óz mádenıetin damytyp jatqanyn atap ótti.
«Búgin Qazaqstan halqy birlik pen yntymaqtastyq kúnin toılaýda. Ózderińiz biletindeı, Qazaqstanda 120-dan astam ult turady jáne árbir ult óziniń biregeı erekshelikteri arqyly Qazaqstan mádenıetin baıytady. Men kún saıyn qazaq halqynyń qonaqjaılylyǵy, jarqyn jáne adal qasıetterin baıqaımyn. Bizdiń dostyǵym uzaq jáne jemisti bolǵanyn qalaımyn. Sizderge birlik, beıbitshilik jáne amandyq tileımin. Merekelerińizben!»,-dedi elshi.
