AQSh pen Ulybrıtanııa bolat tarıfteri boıynsha kelissózderdi qaıta bastady

ASTANA. KAZINFORM – Ulybrıtanııa men AQSh ókilderi Aq úı basshysy Donald Tramptyń Ulybrıtanııaǵa memlekettik sapary qarsańynda bolatqa qatysty kedendik baj salyǵy jónindegi dıalogqa qaıta oraldy. Bul týraly TASS habarlady. 

Basylymnyń aqparatyna sáıkes, birneshe aıǵa toqtap qalǵan kelissózder jaqynda qaıta jandandy. Derekkózderdiń biriniń aıtýynsha, Ulybrıtanııa «naqty nátıjege qol jetkizýdi kózdep otyr», óıtkeni kelisimder boıynsha jumys «ilgeri kezeńde» toqtap qalǵan bolatyn.

Bıyl mamyr aıynda mámile jasaý nıeti birneshe ret habarlanǵan edi. 8 mamyrda Tramp AQSh pen Ulybrıtanııa jańa saýda kelisimin jasasqanyn jarııalady, alaıda sol kezde bolat tarıfteri máselesi ashyq qalǵan. 26 maýsymda London bolat ónimderin strategııalyq mańyzdy resýrstar tizimine engizýdi josparlap otyrǵany belgili boldy. 

Aıta ketelik Ulybrıtanııa, Frantsııa jáne Germanııa Iranǵa qarsy sanktsııalardy qaıtarý protsesin bastaǵan edi.