AQSh pen Ýkraına Shveıtsarııada beıbit kelisim boıynsha keńesýlerdi bastaıdy

ASTANA. KAZINFORM — Ýkraına men AQSh ókilderi arasyndaǵy bolashaq beıbit kelisimniń múmkin bolatyn parametrleri jónindegi konsýltatsııalar jaqynda Shveıtsarııada bastaý alady, dep habarlaıdy TASS.

Bul týraly Ýkraına Ulttyq qaýipsizdik jáne qorǵanys keńesiniń hatshysy, burynǵy qorǵanys mınıstri Rústem Ýmerov Facebook jelisinde habarlady.

— Jaqynda Shveıtsarııada Ýkraına men AQSh sheneýnikteri arasynda bolashaq beıbit kelisimniń múmkin bolatyn parametrleri boıynsha konsýltatsııalar bastalady. Ýkraına bul protseske óz múddelerin naqty túsinip qatysady. Bul sońǵy kúnderde jalǵasyp kele jatqan dıalogtyń taǵy bir kezeńi sanalady jáne eń bastysy aldaǵy qadamdar boıynsha ortaq kózqarasty kelisýge baǵyttalǵan, — dedi Ýmerov.

Eske salsaq, Tramptyń Ýkraınadaǵy soǵysty toqtatýǵa arnalǵan 28 tarmaqtan turatyn josparyn Memlekettik hatshy Marko Rýbıonyń qatysýymen AQSh prezıdentiniń arnaıy elshisi Stıv Ýıtkoff ázirledi.

Tramptyń Ýkraınadaǵy beıbitshilik josparynyń barlyq 28 tarmaǵy jarııalandy.

Ázirge aldyn ala jáne ózgerýi múmkin jospar beısenbi kúni Ýkraına prezıdenti Vladımır Zelenskııge tanystyryldy.

Buǵan deıin Tramp Ýkraına boıynsha josparǵa qol qoıýdyń «yńǵaıly merzimi» retinde kelesi beısenbi — 27 qarasha, Alǵys aıtý kúnin belgilegeni habarlanǵan bolatyn.

Osydan buryn Memleket basshysy Qasym-Jomart Toqaev BUU minberinde Ýkraına aınalasyndaǵy daǵdarysty sheshýdiń basty qaǵıdatyn atady.

Sondaı-aq qazaqstandyq saıasattanýshy Reseı — Ýkraına máselesinde Qazaqstannyń yqpaly qandaı ekenin aıtyp berdi.