AQSh pen Ýkraına resýrstar týraly kelisimge keldi — BAQ

ASTANA. KAZINFORM — Financial Times basylymy men AFP agenttigi Kıevtegi derekkózderge silteme jasap jazǵandaı, munaı men gazdy qosa alǵanda, tabıǵı resýrstardy birlesip ıgerý týraly kelisimge qol jetkizildi, dep habarlaıdy Kazinform DW-ge silteme jasap.

AFP málimetteri boıynsha qujatqa 28 aqpanda, ıaǵnı juma kúni Vashıngtonda qol qoıylýy múmkin.

FT naqtylaǵandaı, AQSh áleýetti kiristiń 500 mıllıard dollarǵa qatysty quqyǵy týraly talaptarynan bas tartqan.

Financial Times basylymy tanysyp ótken 24 aqpandaǵy kelisimniń nusqasy qor qurýdy kózdeıdi, oǵan Ýkraına resýrstardyń «bolashaq monetızatsııasynan» túsetin kiristiń 50%-yn salyp otyrady. Qor Ýkraınadaǵy jobalarǵa ınvestıtsııa salady.

Bul rette FT ýaǵdalastyqtar «Naftogaz» nemese «Ýkrnafta» jumysyna qatysty emes dep sendirdi.

Osyǵan deıin Qaýipsizdik keńesi AQSh-tyń Ýkraınaǵa qatysty usynǵan qararyn qabyldaǵanyn jazǵan edik.