AQSh pen Taıvan kıbersoǵys jattyǵýlaryn ótkizip jatyr
NUR-SULTAN. QazAqparat - Taıvan sheneýnikteri bir aptaǵa sozylǵan kıbersoǵys jattyǵýlarynyń qurbanyna aınalady. Jergilikti úkimet Taıvandaǵy Amerıka ınstıtýtymen birge kıbersoǵys jattyǵýlaryn ótkizip jatyr, dep jazady VVS.
Jattyǵý juma kúnge deıin jalǵasady jáne onyń barysynda úkimettik veb saıttar men jeke kompanııalardyń saıttary kıbershabýyldardan qanshalyqty joǵary deńgeıde qorǵalǵany tekseriledi.
«Kóbine Qytaı Taıvandaǵy negizgi kıbershabýyl kózi retinde qarastyrylady. Taıvannyń kıberqaýipsizdik agenttigi ókilderiniń aıtýynsha, úkimettik jeliler aıyna 30 mıllıon shabýylǵa tap bolady jáne olardyń jartysy Qytaıdan keledi» dep jazady basylym.
Avtordyń aıtýynsha, shabýyl jasaýshylar saılaý nátıjelerine áser etip, ınfraqurylym men qarjylyq saýdaǵa kesirin tıgizbek bolǵan.
Kıberjattyǵýlarǵa Avstralııa, Indonezııa jáne Japonııa da qatysyp jatyr.
