AQSh pen Soltústik Koreıa Phanmýndjomda kezdesý ótkizdi
SEÝL. QazAqparat - 12 maýsym kúni Sıngapýrde ótýi tıis AQSh-Soltústik Koreıa tarıhı sammıtine qyzý daıyndyq júrip jatyr, dep habarlaıdy Renhap agenttigi.
Sársenbi kúni Phanmýndjom shekara beketinde AQSh pen Soltústik Koreıa resmı ókilderi - Fılıppınydaǵy AQSh elshisi Son Kım jáne Soltústik Koreıanyń syrtqy ister mınıstriniń orynbasary Chhve Son Hı kezdesý ótkizdi. Onda eki eldiń basshylarynyń kezdesýinde qaralatyn ózekti máseleler talqylandy.
AQSh pen Soltústik Koreıa 27 mamyrdan beri osymen besinshi ret kelissóz júrgizdi. Taraptar sammıt qarsańynda onyń kún tártibine azdaǵan ózgerister engizýi múmkin.
Jurtshylyq Sıngapýrdyń syrtqy ister mınıstri Soltústik Koreıa syrtqy ister mınıstri Lı En Honyń shaqyrýymen beısenbi ne juma kúni Phenıanǵa barady dep kútip otyr.
