AQSh pen Shveıtsarııa bankterindegi ahýal Qazaqstanǵa qalaı áser etedi

ASTANA. QazAqparat – AQSh-tyń bank sektoryndaǵy ahýal bizdegi bank sektoryna shekteýli kólemde ǵana áser ete alady. Ulttyq bank tóraǵasy Ǵalymjan Pirmatov Senat otyrysynan keıin BAQ ókilderiniń suraǵyna jaýap bere otyryp, osyndaı pikir bildirdi, dep habarlaıdy QazAqparat tilshisi.

«Teńgeniń ózge valıýtalarǵa qatysty baǵamy suranys pen usynys teńgeriminen qalyptasady. Al usynys pen suranysqa túrli faktorlar áser etedi. Keıingi ýaqytta baǵamnyń ózgergenin kórip otyrmyz. Naryqta qubylmalylyq bar. Onyń sebepteri bar. AQSh-ta eki bank depozıt ıeleri aqshasyn sheship alýǵa qatysty problemaǵa tap boldy. Shveıtsarııadaǵy óte iri bank qıyndyqqa tap bolyp jatyr. Bizge osy sebepter qandaı da bir jolmen áser etýi múmkin. Biraq ázirge alańdaýǵa sebep kórip turǵan joqpyz. AQSh-tyń bank sektoryndaǵy ahýal bizdegi bank sektoryna shekteýli kólemde ǵana áser ete alady. Bizdiń bank sektorynyń ótimdiligi jetkilikti deńgeıde», - dedi Ǵalymjan Pirmatov.