AQSh pen Saýd Arabııasy munaıdyń álemdik baǵasyn túsirý josparyn qurýda
ASTANA. 16 maýsym. QazAqparat - AQSh pen Saýd Arabııasy jýyrda ótken Venadaǵy OPEK-tiń kezekti sessııasynda munaıdyń álemdik baǵasyn tómendetý máselelerin talqylady.
Olar buǵan Er-Rııadta óndiriletin aýyr qospaly munaıdy AQSh strategııalyq qoryndaǵy jeńil munaıǵa almastyrý arqyly qol jetkizbek, dep habarlaıdy ITAR-TASS.
"Bul másele tóńiregindegi kelissózder Nıý- Iork bırjasyndaǵy munaı barreli 120 dollarǵa jetken kezden bastalǵan bolatyn. Munaı baǵasyn tómendetý joldaryn izdestirý maqsatynda Vashıngton men Er-Rııad osy máselege sáıkes keńesý sharalaryn ótkizdi", - dep habarlaıdy iskerler ortasy. Naqty shara retinde Amerıkanyń strategııalyq qorlaryndaǵy joǵary sapaly jeńil munaıdy Saýd Arabııasynyń birqatar ken oryndarynda óndirilip jatqan quramynda kúkirti kóp munaı túrine aýystyrý sheshimine keldi.
Alaıda, agenttiktiń habarlaýynsha, kelisim júzege aspaı qaldy, sebebi AQSh Saýd Arabııasynyń shıkizatyna úlken jeńildik talap etken.
