AQSh pen Reseıdiń Florıdadaǵy kelissózi qalaı ótti
ASTANA. KAZINFORM – AQSh prezıdentiniń arnaıy ókili Stıv Ýıtkofftyń aıtýynsha, 31 qańtarda amerıkalyq resmı tulǵalar Reseı prezıdentiniń ókili Kırıll Dmıtrıevpen ónimdi ári konstrýktıvti kezdesý ótkizdi, dep habarlaıdy DW.
Onyń málimetinshe, kezdesý Florıda shtatynda ótti jáne AQSh-tyń Reseıdiń Ýkraınaǵa qarsy soǵysyn toqtatýǵa baǵyttalǵan deldaldyq kúsh-jigeri aıasynda uıymdastyrylǵan.
– Biz bul kezdesýden úlken úmit kútemiz. Ol Reseıdiń Ýkraınada beıbitshilikti qamtamasyz etý baǵytynda jumys istep jatqanyn kórsetedi. Sondaı-aq berik ári uzaq merzimdi beıbitshilikti tabýdaǵy mańyzdy róli úshin prezıdent Donald Trampqa alǵys bildiremiz, – dep jazdy Stıv Ýıtkoff X áleýmettik jelisindegi paraqshasynda.
Today in Florida, the Russian Special Envoy Kirill Dmitriev held productive and constructive meetings as part of the U.S. mediation effort toward advancing a peaceful resolution of the Ukrainian conflict.
— Special Envoy Steve Witkoff (@SEPeaceMissions) January 31, 2026
The American delegation included Special Envoy Steve Witkoff, Secretary of…
Ol amerıkalyq delegatsııa quramyna ózinen bólek AQSh qarjy mınıstri Skott Bessent, AQSh prezıdentiniń kúıeý balasy Djared Kýshner jáne Aq úıdiń aǵa keńesshisi Djosh Grıýnbaým kirgenin atap ótti.
Kırıll Dmıtrıev te amerıkalyq delegatsııamen ótken kelissózderdi «konstrýktıvti» dep baǵalady. Ol X áleýmettik jelisinde Florıdada senbi kúni ótken kezdesýde Ýkraına máselesin retteý taqyrybymen qatar Reseı men AQSh arasyndaǵy ekonomıkalyq yntymaqtastyq máseleleri talqylanǵanyn habarlady.
Constructive meeting with the US peacemaking delegation. Productive discussion also on the U.S.–Russia Economic Working Group. 🕊️ https://t.co/qrKMIdXjJO
— Kirill Dmitriev (@kadmitriev) January 31, 2026
Eske sala keteıik, buǵan deıin Abý-Dabıde Ýkraınaǵa qatysty eki kúndik konsýltatsııalar ótken bolatyn.